(Madrid) 10 Maajo 2016 Xiriirka kubadda cagta yurub ee UEFA ayaa si rasmi ah u shaaciyay garsooraha dhex dhexaadin doona Final-ka koobka horyaalada yurub ee 28-ka bishaan lagu ciyaari doono garoonka San Siro.
UEFA ayaa shaacisay in 41 jirka reer ingiriis ee Mark Clattenburg uu dhex dhexaadin doono kulanka u dhexeeya Atletico Madrid iyo Real Madrid.
Mark Clattenburg ayaa ka soo dhex baxay garsoorayaal badan oo sugayay inay dhex dhexaadiyaan kulanka u dhexeeya Real Madrid iyo Atletico.
Waa Final-kii 2-aad ee Mark Clattenburg uu dhex dhexaadin doono bishaan gudaheeda, waxaana la filayaa inuu dhex dhexaadiyo Final-ka FA Cup-ka ee Man United iyo Crystal Palace 21-ka bishaan.
Mark Clattenburg ayaa dhex dhexaadiyay 5 kulan oo Real Madrid ay qayb ka tahay, Real ayaana wada guulaysatay dhamaan kulamadaas.
Gool FM