(Dortmund) 08 Dis 2016 Kubadd sameeyaha kooxda Borussia Dortmund ee Marco Reus ayaa amaan huwiyay saaxiibkiis Aubameyang kadib barbarihii xalay.
Reus ayaa sheegay in Aubameyang uu masuul ka ahaa 99% in kooxdiisu ay barbaro lagasho Real Madrid oo ku ciyaaraysay gurigeeda.
Aubameyang ayaa gool u soo celiyay qaybtii labaad ee ciyaarta kooxdiisa ka hor inta Marco Reus uusan 2-2 ka dhigin dhamaadkii ciyaarta.
“Amaanta barbarihii aan la galnay Real Madrid 99% waa mid u laabanaysa Aubameyang, anigana kaliya 1% ayaan leeyahay” ayuu yiri laacibka reer Jarmal.
“Muhiim ayeey ahayd in laba jeer aan hor istaagno Real Madrid, 100% si buuxda diyaar ugama ahayn kulanka maadama aan ka soo laabtay dhaawac” ayuu sii raaciyay.
Gool FM