(Yurub) 19 Feb 2019. Tababaraha reer Talyaani ee Fabio Capello ayaa aaminsan in Bayern Munich aysan ahayn mid ka mid ah hogaamiyaasha kubada cagta Yurub ee xilligan la joogo, sida ay horey u ahayd oo kale.
Hadalka Fabio Capello ayaa wuxuu imaanayaa kahor kulanka adag ee lugta hore wareega 16-ka tartanka Champions League ay caawa labada kooxood Liverpool iyo Bayern Munich ku wada ciyaari doonaan garoonka Anfield.
Yeelkadeed, Capello ayaa wareysi uu bixiyay kahor ciyaartan wuxuu ku sheegay:
“Waxaan daawaday kooxda Bayern Munich kulamada ay ka ciyaartay xili ciyaareedkan, waxay lumiyeen qaab ciyaareedkoodii fiicnaa, waxay u ciyaarayaan si caajis ah, waxay lumiyeen awoodooda ciyaareed ee lagu yaqiinay”.
“Waa inaad u dagaalantaa si adag, Bayern Munich waxaa haatan ka maqan dabeecadda iyo awooda ay kaga adkaan lahayd kooxda ka soo horjeeda”.
Gool FM.