(England) 05 Abriil 2018. Maxamed Saalax ayaa wadnaha jaray taageerayaasha Liverpool kaddib markii uu garoonka ka baxay bilowga qeybta labaad ee ciyaartii ay xalay 3-0 uga adkaadeen Manchester City.
Wuxuu u muuqday mid la dhibtoonayo dhaawac gumaarka ah.
Laakiin wiilka reer Masar ayaa qudhiisa aaminsan in dhaawaca gaaray uusan u khatar badneyn sida uu markii hore mooday, wuxuuna ciyaarta kaddib u sheega tababare Jurgen Klopp inuu fiican yahay.
Maxamed Saalax ayaa goolka ugu daah furay Liverpool daqiiqadii 12-aad kubbad ay wadaageen Firmino oo markii dambe u soo laabtay kaddibna shabaqa uu meel sare ka dhaliyay.
Wuxuu ahaa goolkiisii 7-aad uu Champions League ka dhaliyo xilli ciyaareedkaan iyo kii 39-aad uu ka dhaliyo tartamada oo dhan.
Gool FM.