(Madrid) 05 Abriil 2018 Kooxaha Barcelona iyo Real Madrid ayaa is arki kara 3-jeer 13-maalin gudahood sida uu baahiyay wargayska Sport.
Barcelona iyo Real Madrid ay min hal lug la sii galay Semi Final-ka koobka horyaalada yurub kadib guulihii ay ka gaareen kooxaha Roma iyo Juventus.
Wargayska ayaa sheegay in labada kooxood ay isku arki karaan 3-jeer 13-maalin gudahood haddii ay isku soo aadaan Semi Final-ka Champions League.
Kulanka lugta hore ee Semi Final-ka ayaa la ciyaarayaa 24 iyo 25 April halka kulanka lugta labaad la ciyaarayo 1 iyo 2 bisha May.
Waxaa taas u sii dheer kulanka horyaalka oo Real Madrid ay u safrayso garoonka Camp Nou 6-da bisha May, balse wax walba waxay ku xirnaan doonaan inay soo baxaan labada kooxood isla markaana ay isku aadaan.
Gool FM